Kreu i Shtetit, Ilir Meta, është pritur me ceremoni shtetërore nga homologia e tij në Prishtinë Vjosa Osmani. Meta ka nderuar ceremoninë, duke u përulur para Gardës së Republikës së Kosovës.
Pas himneve shtetërore, Presidenti Meta pas kalimit para Gardës, bëri edhe simbolin e shqiponjës.
Ilir Meta zhvillon sot vizitën e fundit në Kosovë në cilësinë e Kreut të Shtetit, kur i kanë mbetur edhe dy ditë nga dorëzimi i mandatit.
Presidenca ka njoftuar se në orën 10:45 dy krerët e shtetit do të zhvillojnë një konferencë të përbashkët shtypi.
Më pas ai do të ketë takime me kryetarin e qeverisë Albin Kurti, kreun e Kuvendit Glauk Konjufca, Kryetarin e Bashkisë së Prishtinës, Përparim Rama dhe liderë të partive politike të Kosovës.
