Kreu i Shtetit, Ilir Meta, në një konferencë për mediat i është përgjigjur akuzave të kryeministrit Edi Rama, pas thirrjeve të këtij të fundit për të hetuar atë dhe Sali Berishën. Presidenti u shpreh se ai nuk i është shmangur kurrë drejtësisë gjatë gjithë karrierës së tij politike, dhe nuk e ka problem përballjen me të. Madje armët më të forta në këtë përballje janë transparenca dhe e vërteta.
“Ne e kemi kohën përpara. Ajo që shqiptarët presin është një lidership që mban fjalën dhe llogaridhënia.
Mua më bën përshtypje pse ka frikë një kryeministër nga drejtësia e vetë, që e ka kapur prej fyti. I bën thirrje SPAK-ut të hetojë Ilir Metën, shumë mirë bën që i thotë.
Madje t’u çojnë dhe pyetjet dhe çështjet bashkë me Agaçin siç bënë në Gjykatën Kushtetuese. Ilir Meta ka armët më të forta që janë transparenca dhe e vërteta. E keni parë ndonjëherë Ilir Metën që t’i shmanget drejtësisë? As në 91-shin”, tha Meta.
