Presidenti i zgjedhur dhe ish-kryetari i Lëvizjes Socialiste për Integrim, Ilir Meta ka theksuar se kryeministri Rama është i kapur nga oligarkët. I ftuar në emisionin “Zonë e Lirë”, Meta vuri në dukje se Rama është i dobët përpara të fortëve dhe i fortëve përpara njerëzve të thjeshtë.
“Rama është i nënshtruar ndaj oligarkëve. Është i nënshtruar ndaj të fortëve dhe është i fortë ndaj të dobëtëve. Nuk duhet ti japim një mundësi, një njeriu, i cili nuk fiton eksperiencë, por vetëm degradon. Luli ka edhe 48 orë që të distancohet nga Marrëveshja e Errësirës, dhe të mbajë qëndrim ndaj policisë dhe të mos ecë me shpresë që të goditen njerëzit e LSI-së dhe të mbrohen demokratët, sepse kjo ishte edhe marrëveshja e tre orëve. Ndryshe nuk kemi çfarë t’i bëjmë, do të shkojë edhe ai i aneksi i Rilindjes”, u shpreh Meta.
