Kreu i Partisë së Lirisë, Ilir Meta, shprehet në një postim në rrjetet sociale se mbrojtja e demokracisë është sot një detyrë patriotike. Meta citon se zgjidhja e vetme nuk është largimi nga vendi, por përballja me të keqen, që sipas tij, e ka kapur për fyti Shqipërinë.
“Mbrojtja e demokracisë është sot një detyrë patriotike. Zgjidhja nuk është largimi nga vendi, as nënshtrimi, por përballja me të keqen, që ka kapur për fyti Shqipërinë!
Dita Ndërkombëtare e Demokracisë na gjen sot në betejë dhe në krye të misionit të përbashkët historik: Të shpëtojmë demokracinë nga pengmarrja e një pakice të inkriminuar dhe të korruptuar!
Kjo është beteja jonë, e njerëzve të lirë, të ndershëm dhe punëtorë, e rinisë tonë të mrekullueshme! Koha nuk pret! Demokracia, Liria dhe Dinjiteti Njerëzor janë të panegociueshme!”, shkruan Meta.
Dy ditë më parë, kreu i Partisë së Lirisë, Ilir Meta, paralajmëroi se protestat do të vazhdojnë deri sa të vendoset drejtësi për qytetarët shqiptarë.
