Presidenti Ilir Meta është shprehur se do t’i drejtohet Komisionit të Venecias në lidhje me procesin e zgjedhjes së dy anëtareve të Gjykatës Kushtetuese.
I ftuar në emisionin “Tempora” në Ora News, Meta e cilëson këtë proces si një “shkeljet kushtetuese të Kuvendit të Shqipërisë”.
Kreu i shtetit theksoi se ai nuk ka bërë asnjë shkelje të Kushtetutës dhe se Komisioni do e vërtetojë këtë gjë.
“Kjo është një gjë normale, unë si President do t’i drejtoj pyetjet e mia Komisionit të Venecias, për të dy rastet, e kam bërë të qartë. Kjo është bërë për të marrë në mbrojtje personin që ka shkelur kushtetutën, Dvoranin, por njëkohësisht është edhe një përpjekje për të mbajtur një fake çështje, sepse nuk ekzistojnë shkelje të Kushtetutës nga Presidenti. Nuk ka asnjë shans që Komisioni i Venecias të hedhë në kosh emrin e vet, duke u përfshirë në këto çështje”, tha ai.
Më tej gjatë intervistës, Meta pohon se do ketë video të tjera në lidhje me çështjen e Ardian Dvoranit.
“Ka plot të tjera në pritje. Përderisa të tjerët dezinformojnë, unë jam i vendosur për të bërë transparencë”, tha Meta.
