Presidenca ka reaguar lidhur me dy tërmetet e fuqishme që u shënuan pak minuta më parë në Shqipëri, me epiqendër Detin Adriatik.
Përmes Këshilltarit për Mediat, Tedi Blushi, thuhet se po ndiqet me vëmendje situata në mbarë vendin.
“Presidenti i Republikës Sh.T.Z Ilir Meta shpreh keqardhjen për tërmetin që ka tronditur vendin tonë e në veçanti Qarkun e Durrësit dhe Tiranës. Presidenti Meta shpreson për sa më pak dëme dhe pasoja ndërkohe qe eshte i rëndësishëm monitorimi i situatës në vazhdimësi dhe informimi i qytetarëve nga strukturat përgjegjëse shteterore. Presidenti Meta po e ndjek situatën me vëmendje dhe shqetësim”, thuhet në ragimin e Presidencës.
Kujtojmë se muaj më parë, presidenti Meta paralajmëroi se vendet e Ballkanit pritet të goditet nga një tërmet apokaliptik, teksa u bënte thirrje institucioneve përkatëse që të marrin masa paraprake.
Sipas Metës, ky tërmet do të ishte 30 herë më i fuqishëm se ai i rënë disa ditë para 30 korrikut në rajonin e Athinës. Nga të dhënat e para, raportohet për disa persona të lënduar dhe dëme materiale.
