Kryetari i Partisë së Lirisë, Ilir Meta, e bëri fakt të kryer se në zgjedhjet lokale të 2023-it, forca politike që ai drejton dhe PD do të dalin me një kandidat të përbashkët. Gjatë konferencës me gazetarët, Meta u pyet se nëse bashkëpunimi për të cilin foli ditën e djeshme do të bëhet.
“Për mua nuk ekziston asnjë dallim mes duhet të dalë dhe do të dalë, është njësoj”, deklaroi shkurt Meta.
Kujtojmë këtu se një ditë më parë, Meta i bëri ftesë Berishës për bashkëpunim në zgjedhje. Kreu i Partisë së Lirisë, kërkoi që Partia e Lirisë dhe Partia Demokratike të dalë me një kandidat të përbashkët në zgjedhje.
