Kreu i Shtetit, Ilir Meta, thotë se me trishtim dhe hidhërim të thellë mori lajmin e largimit nga jeta të ish-Presidentit Bujar Nishani. Meta shprehet se ish-Presidenti Nishani do të kujtohet gjithnjë si një personalitet me vlera të rralla të një udhëheqësi me integritet dhe vizion.
Bujar Nishani ka mbajtur detyrën e Presidentit të Republikës, por ka qenë edhe ministër në qeveri. Ai ka qenë deputet në Kuvendin e Shqipërisë, në radhët e Partisë Demokratike.
“Me trishtim dhe hidhërim të thellë mora lajmin e largimit nga jeta të Presidentit Bujar Nishani.
Ngushëllimet më të ndjera për bashkëshorten Odeta, fëmijët Ersi dhe Fiona, dhe të afërmit për këtë humbje të madhe!
Presidenti Nishani do të kujtohet gjithnjë si një personalitet me vlera të rralla të një udhëheqësi me integritet dhe vizion.
Kontributi i tij për Shqipërinë dhe demokracinë do të kujtohet përherë me respekt.
I paharruar kujtimi i President Nishanit!
Të prehet në paqen e merituar!”.
