Rama është pyetur nga mediat në konferencën e përbashkët me kryeministrin e Luksemburgut për hetimet e SPAK ndaj kreut të Partisë së Lirisë, Ilir Meta. Kryeministri Rama tha se nuk flet kurrë në prezencë të miqve për çështje të politikës së brendshme.
“Unë nuk flas kurrë në prezencë të miqve për çështje të politikës së brendshme. Ky është parimi im! Politika e brendshme nuk është një fushë që na takon ne si mikpritës të përfshijmë miq që jemi këtu për ti nderuar. Nuk flitet në gjuhë të huaj për probleme të politikës së brendshme, për kundërshtarë politikë, për akuza dhe kundër-akuza”, tha ai.
Prokuroria e Posaçme Kundër Korrupsionit dhe Krimit të Organizuar, nisi hetimet për ish-Presidentin, pas një padie nga ish-deputeti Halit Valteri.
Meta komentoi nga Jala nisjen e hetimeve të SPAK ndaj tij. Ai theksoi se ka ardhur koha të çlirohet drejtësia e kapur, dhe organet e reja të zgjidhen nga populli.
