Aktori Petrit Malaj është vlerësuar me titullin e lartë “Mjeshtër i Madh” nga Kreu i Shtetit, Ilir Meta. Në një njoftim për median, presidenti bën me dije se ky vlerësim i akordohet një ndër personaliteteve të filmit dhe teatrit shqiptar, ku falë profesionalizmit, ka fituar respektin e të gjithë artdashësve.
“Kënaqësi e veçantë të vlerësoja me titullin e lartë “Mjeshtër i Madh” artistin e shquar z. Petrit Malaj, një personalitet i filmit dhe teatrit shqiptar, që me talentin e spikatur dhe profesionalizmin në realizimin e shumë roleve artistike, ka fituar dashurinë dhe respektin e të gjithëve.
I uroj z. Malaj suksese të mëtejshme në karrierën e tij artistike, i bindur se ai dhe brezi i artistëve të cilit i përket, janë shembull për të rinjtë shqiptarë që aspirojnë ekranin dhe skenat shqiptare e ndërkombëtare”, shkruan Meta në Facebook.
