Gazetari Mentor Kikia i ftuar në “360 gradë”, u shpreh se nëse situata politike do të agravohet më shumë, Presidenti Meta mund të detyrohet të japë dorëheqjen dhe ti bashkohet aksionit opozitar.
“Nuk është çudi që edhe Ilir Meta të japë dorëheqjen dhe nuk është çudi kur në këtë gjurulldi ku në Tiranë nuk shikohet kurrkund në horizont një mundësi jo thjesht dialogu. Nëse situata politike do të agravohet më shumë sesa shembja e një shtylle institucionale siç është presidenti unë mendoj që nëse do të shkojë drejt këtij vendimi Meta mund të detyrohet të dorëzojë armët e Presidentit për tiu bashkuar opozitës dhe aksionit opozitar”, deklaroi gazetari.
Gjithashtu edhe analisti Mustafa Nano është i bindur që Meta do të japë dorëheqjen.
“Kjo do ta thellojë krizë, e pastaj opozita mund të presë që të vënë një njeri që ta kontestojnë.”, shprehet Nano.
Kujtojmë që Presidenti Meta tha dje se për të zgjidhur krizën politike në vend, ishte i gatshëm jo vetëm të linte mandatin, por të sakrifikonte edhe jetën.
