Presidenti i Republikës, Ilir Meta i është përgjigjur nga Fieri me tone të ashpra kryeministrit Edi Rama, i cili tha dje se Kreu i Shtetit takohet në Vlorë me subjekte të OFL-së.
Në një prononcim për mediat, Meta u shpreh se në Vlorë nuk bëhet shaka, dhe se dobëjë gjithçka që të garantojë zgjedhje të lira dhe të ndershme.
Ndër të tjera, Meta deklaroi se ka ftuar për një darkë me gazetarët në Vlorë edhe Damian Gjiknurin por ai nuk ka pranuar, madje është vënë nga Rama që të shpifë për të.
Ilir Meta: “Së pari zotin Damian e kam ftuar vetë me anë të një ftese për darkë, pasi është detyruar nga kryeministri të shpifë. Damiani vjen në darkë.Të jetë i qetë edhe kryeministri, edhe Tërmet, deri më 26 prill do të jem në Vlorë, ditën edhe natën. Duhet ta kenë të qartë se cdo skenar i ndodhur në Vlorë do të jetë i papranueshëm. Duhet të kuptojnë se në Vlorë nuk bëhet shaka. Ilir Meta do të bëjë gjithçka për të garantuar zgjedhje të lira e të ndershme.
Ai po përdor gjithë pushtetin për të blerë, shantazhuar. Shpesh ka pasur sukses në këtë rrugën e tij, por pengesa ka qenë Ilir Meta. Kjo është një betejë finale për 100 vitet që vijnë. Nuk është një betejë mes Ilir Metës dhe Edi Ramës. Edi Rama kuisling që po përdoret nga armiqtë e Shqipërisë, duke tentuar të nxjerrë në shitje edhe atë që ka ngelur, dhe të zëvendësojë vlonjatët e shqiptarët me bangladeshas”.
