Presidenti Ilir Meta ka thirrur sot në takim mbledhjen e Këshillit të Sigurisë Kombëtare, marrë shkas nga tensionet e ditëve të fundit në Ukrainë. Në këtë mbledhje nuk janë prezent kryeministri Edi Rama dhe ministrja për Europën dhe Punët e Jashtme, Olta Xhaçka të cilët ndodhen për një vizitë 4-ditore në Shtetet e Bashkuara të Amerikës.
Ministria e Jashtme i ka kërkuar Rusisë që të ulë tensionet në kufirin me Ukrainën, duke theksuar se i qendron pranë këtij shteti. Përmes një njoftimi për shtyp, Ministria e Jashtme kërkon nga Putini që të zgjidhë krizën përmes rrugëve diplomatike, dhe të respektojë sovranitetin territorial të Ukrainës.
“Në këtë situatë të vështirë, dëshirojmë të rikofirmojmë edhe një herë mbështetjen e #Shqipërisë ndaj sovranitetit dhe integritetit territorial të #Ukrainës. Ne ripërtërijmë thirrjen tonë për #Rusinë që të ulë tensionet dhe të zgjidhë situatën në mënyrë diplomatike”, shkruan Ministria e Jashtme e Shqipërisë.
