Presidenti i Republikës, Ilir Meta ka folur me tone të ashpra për zgjedhjet parlamentare të 25 prillit.
I ftuiar në emisionin ”Frontline”’ në ”News24”, Meta u shpreh se do të jetë vetë ai që do t’ua presë dorën atyre që vjedhin votat, duke përfshirë këtu edhe kryetaren e Lëvizjes Socialiste për Integrim, e njëkohësisht bashkëshorten e tij, Monika Kryemadhi, Kryedemokratin Lulzim Basha dhe Kryeministrin Edi Rama.
Ilir Meta: Detyra e qytetarit është të votojë. Unë i them qytetarit kush ju ka bërë presion me vendin e punës, kush ua ka blerë votën, ndëshkojeni me votë. Unë nuk kam asnjë interes, as se çfarë ka thënë dhe çfarë thotë njëri apo tjetri. Me 26 prill ma ndërroni emrin, ma vendosni si të doni nëse një votë vidhet, do u pritet dora në sheshin Skënderbe, Kryemadhit të parit dhe të tjerat. Ky është një premtim i presidentit të këtij vendi. Nëse ka një bandit që do të tentojë të bëjë blerjen e votave si Shijak dhe Dibër do ua pres unë dorën, unë presidenti i Shqipërisë. Një votë të vidhet do të pritet një votë, nuk është në kuptimin figurativ”.
