Presidenti i Republikës, Ilir Meta i bëri thirrje qeverisë që të reflektojë dhe kërkoi nga Kuvendi që të ndryshojë aktin noormativ për vënien e gjobave për ata që nuk mbanin maska në çdo ambient.
Në komunikimin e përjavshëm me gazetarët në presidencë, Meta u pyet nëse ishte kundër që qytetarët të mbajnë maska, apo vetëm ishte kundër që të gjobiteshin.
Kreu i Shtetit, u shpreh se maska ka rëndësi dhe qytetarët duhet ta mbajnë, por duhet të kemi parasysh që disa qytetarë nuk kanë mundësi që t’i blejnë.
Ilir Meta: “U bëj thirrje të gjithë qytetarëve të jenë sa më të kujdesshëm, të respektojnë të gjithë rregullat e vendosura nga autoritetet. Maskat kush ka mundësi ti blejë, por mos harrojmë që ka dhe nga ata që nuk kanë mundësi që të marrin maska. Jam kundër atyre që thonë se maska të mos mbahet, ti mbajnë”.
LIVE – Komunikimi i përjavshëm me gazetarët
Publiée par Ilir Meta sur Lundi 19 octobre 2020
