Presidenti i vendit Ilir Meta ka marrë sot pjesë në mbledhjen e parë të Këshillit Koordinues të Diasporës.
Përmes një postimi në “Facebook”, Meta iu bën thirrjen shqiptarëve kudo ndodhen që të përfshihen në jetën dhe zhvillimin e vendit, pasi është e domosdoshme.
Kreu i shtetit nënvizoi se shqiptarët që jetojnë në diasporë duhet të përfshihen në çështje që shqetësojnë Shqipërinë dhe mbarë kombin shqiptar.
“Është detyrim i yni, i përcaktuar edhe në Kushtetutën e Republikës së Shqipërisë për t’i qëndruar sa më pranë diasporës shqiptare të hershme dhe asaj të re.
Falenderoj të gjitha komunitetet e diasporës në mbarë botën për ndihmën dhe për mesazhet e solidaritetit për fatkeqësinë natyrore që goditi vendin tonë më 26 nëntor”, shkruan mes të tjerash Meta.
