Teksa uron për 1 qershorin, kreu i shtetit Ilir Meta është kujdesur për të përcjellë edhe një mesazh të fortë.
Me anë të një postimi në Facebook, presidenti Meta thekson se nuk duhet të dorëzohemi, deri në realizimin e ëndrrave të tyre shumëngjyrëshe.
Madje ai thumbon më tej, ndërsa thotë se duhet të mësojnë nga sinqeriteti dhe dashuria e fëmijëve, për të ndërtuar Shqipërinë e vërtetë evropiane.
Statusi
Në Ditën e Festës së tyre, një urim të ngrohtë e të përzemërt për të gjithë fëmijët shqiptarë: Gëzuar 1 Qershorin! Të ecim gjithmonë dorë për dore me fëmijët, për të mos u dorëzuar deri në realizimin e ëndrrave të tyre shumëngjyrëshe, për t’ju ruajtur buzëqeshjen e çiltër, për të mësuar nga sinqeriteti dhe dashuria e tyre, për të ndërtuar Shqipërinë e vërtetë evropiane! Të mbrojmë të drejtat e fëmijëve çdo ditë me vepra dhe jo me fjalë, dhe t’ju garantojmë një të ardhme të sigurt dhe frymëzuese në Atdheun tonë!
