Kryetarja e LSI-së, Monika Kryemadhi, ka reaguar fill pas vendimit të marrë nga ana e presidentit Meta, për ambasadorin OSBE në Tiranë, Bernd Borchadt. Në shkresën zyrtare thuhet se ambasadori nuk ishte i mirëpritur në Institucionin e Presidentit. Referuar kësaj çështje të ‘nxehtë’, përmes një konferencë për mediat, Kryemadhi theksoi se fyerjet e Borchadt kalonin çdo lloj norme njerëzore. Ajo madje edhe ironizon figurën e ambasadorit, ku propozoi që ai të kishte kandiduar për anëtar në Gjykatën Kushtetuese.
Meta merr vendimin e papritur, shpall “non grata” ambasadorin Borchardt
“Mendoj se z. Borchadt mund të kishte kandidatura për Gjykatën Kushtetuese. Pasi Engjëll Agaçi mund ta kandidonte ate edhe në Kuvend. Sa i takon gishtit të mesit, kush i nxjerr gishtin shqiptarëve, ta marrin mbrapsht atë.
Këta janë individë që fyejnë shqiptarët, integritetin e shqiptarëve. Pavarësisht se ka ardhur për shkak të partive politike. Këta individë marrin përsipër që të bëjnë një fyerje të tillë.
Çdo njeri ka mënyrën e vet për të shprehur protestën. Si diplomat mund të bënte ankesë me shkrim në Ministrinë e Jashtme. Ai kaloi aty mes grave të indinjuara, që iu ishin arrestuar njerëzit e tyre në mënyrë të pafajshme, dhe provokoi”, pohoi Kryemadhi.
