Presidenca i është drejtuar zyrtarisht Komisionit të Venecias, lidhur me shkeljet kushtetuese dhe ligjore që ka bërë Kuvendi, me zgjedhjet e dy anëtarëve të Gjykatës Kushtetuese. Lajmin në fjalë e ka përcjellë zëdhënësi i Kreut të Shtetit, Tedi Blushi, me anë të një postimi në rrjetet sociale.
Po kështu ai bën të ditur se nesër do të publikohen në faqen zyrtare të Kreut të Shtetit, kërkesa e Metës për Komisionin e Venecias dhe pyetjet konkrete drejtuar atij.
“Venecia gjithmonë e mirëpritur. Sot Presidenti Meta i është drejtuar zyrtarisht Komisionit të Venecias lidhur me shkeljet kushtetuese dhe ligjore që ka bërë Kuvendi me zgjedhjet e dy anëtarëve të Gjykatës Kushtetuese. Nesër do të publikohen në faqen zyrtare të Kreut të Shtetit, kërkesa e Presidentit Meta për Komisionin e Venecias dhe pyetjet konkrete drejtuar atij”.
