Ish-zyrtari i LSI-së, Hekuran Doko mik dhe bashkëpunëtor i Presidentit Ilir Meta është ndarë nga jeta, edhe pse ishte shëruar nga koronavirusi por pasojat që Covid-19 i la nuk arriti t’i mundë.
Lajmin e ka dhënë vetë kreu i shtetit në një postim në rrjetet sociale ku shpreh dhimbjen për ndarjen nga jeta të Dokos.
Kreu i shtetit tha se Doko nuk kërkoi kurrë të përfitonte nga miqësia me të.
Postimi i Metës në Facebook
Ndaj dhimbjen për humbjen e një miku besnik e zemërmirë, Hekuran Dokos, i cili edhe pse arriti ta largojë virusin nga trupi i tij nuk arriti t’i mundë pasojat që i la.
Hekurani ishte një bashkëpunëtor në kohë të vështira, i palëvizur në bindjet e tij. Ai kurrë nuk kërkoi të përfitonte nga miqësia jonë, përkundrazi la vend në zemrën e miqve të tij nga karakteri që kishte, integriteti dhe vlerat e larta njerëzore.
U prehsh në paqe miku ynë Hekuran Doko!
COVID-19 vazhdon të jetë rrezik e kërcënim për jetët tona. Është e rëndësishme për secilin të tregojë kujdes personal duke respektuar të gjithë masat e këshilluara nga ekspertët dhe të lehtësojmë punën e mjekëve e personelit shëndetësor në këtë betejë të gjatë e të vështirë. Njëkohësisht edhe institucionet shtetërore duhet të tregojnë më tepër përgjegjshmëri.
https://www.facebook.com/ilirmetazyrtar/posts/3402033903176192
