Presidenti Ilir Meta u shfaq në një konferencë për shtyp herët në mëngjes, për të komentuar vendimin e Kolegjit Zgjedhor për zgjedhjet e 30 qershorit.
I pyetur për faktin se ndërkombëtarët këmbëngulin për mbajtjen e zgjedhjeve, ai tha se në Shqipëri vendos ai e jo të tjerët. Meta nënvizoi se në Shqipëri i anulon zgjedhjet vetëm presidenti, dhe se nuk fshihet pas asnjë ambasadori.
“Në Shqipëri i anulon zgjedhjet vetëm presidenti. Unë nuk fshihem pas asnjë ambasadori, siç bëjnë politikanë të tjerë.
Unë s’kam anuluar zgjedhjet italiane, amerikane, apo kineze, por shqiptare.
Unë reagova për shkak të një krize politike, dhe zgjedhje të tilla nuk plotësojnë asnjë kriter.
Unë s’kam anuluar zgjedhjet në asnjë vend të huaj, në asnjë fondacion apo në ndonjë Ambasadë.
Por zgjedhje ligjore nuk do të ketë”, përfundoi Meta.
