Anëtari i bordit drejtues të Bindjes Demokratike, Fabian Topollaj, i ftuar në Vizion Plus, ka komentuar deklaratën në konferencë për mediat të presidentit Meta. Ai ka deklaruar se presidenti ka synim të korrigjojë veprimin e tij, por nuk ka tërheqje nga 30 qershori.
Vendimin e Metës për të anuluar datën e zgjedhjeve, Topollaj e komentoi si një dështim që vetëm sa e thelloi krizën. Ai është i mendimit se Meta nuk i ka qetësuar palët, përkundrazi. Duke komentuar qëndrimin e Metës, se nuk i njeh zgjedhjet, Topollaj tha se ai në këtë formë vihet në mbrojtje të opozitës së bashkuar.
“Ajo që bëri Meta nuk i qetësoi palët. Duke thënë që vetëm nuk i njeh zgjedhjet, thjeshtë ai nuk do dalë të votojë në 30 qershor, sikurse do bëjë një pjesë e opozitës apo edhe bashkëshortja e tij”, u shpreh Topollaj.
