Deklarata e një dite më parë e Kreut të Shtetit, Ilir Meta, për ngritjen e një media të re dhe të pavarur duket se nuk ka shkuar në vesh të shurdhër. Rrjetet sociale e kanë shfrytëzuar këtë situatë, ndërsa kanë ironizuar kërkesën e presidentit Ilir Meta.
Prej një kohe të gjatë, Meta ka shpërthyer në akuza të forta në drejtim të qeverisë. Ai ka propozuar hapjen e një media të re, që sipas tij, të jetë e pavarur, duke akuzuar qeverinë se po shantazhon gazetarët.
Kaq ka mjaftuar që kreu i Bashkisë së Tiranës, Erion Veliaj, t’i kundërpërgjigjet dhe t’i kujtojë atij aferën korruptive me bllokun 700 mijë euro, që u kap me zë dhe figurë me Dritan Priftin.
Përmes një postimi në rrjetin social “Facebook”, kryebashkiaku Veliaj, mes ironisë deklaroi se kjo iniciativë e presidentit për një media transparente është një lajm i mirë. Duke theksuar se për ta mbajtur në jetë këtë media, Meta ka jo vetëm lekët, por edhe historinë e tij të 7 përqindëshit të bllokut 700 mijë euro.
