Presidenti Ilir Meta në konferencën ndërkombëtare me temë “Feja si instrument paqeje” theksoi se nuk duhet lejuar që Shqipëria të vuajë dimrin demografik të Evropës.
“Ne po hasemi me një nivel të lartë ikjesh, eksodi i rinisë sonë duke bërë vunerabël shtresa të dobëta të shoqërisë. Të mos lejojmë dimrin demografik të Evropës, na ka porositur Papa Francesku në takimet me të. Ky fenomen s’na ka prekur vetëm ne, por gjithë rajonin tonë ndaj duhet ta përballojmë së bashku. Bijtë e shqipes të kthehen në atdheun e tyre për jetë më të mirë dhe më të sigurt.
Të gjithë kemi detyrime kombëtare rajonale e ndërkombëtare e duhet të angazhohemi më shumë për të luftuar varfërinë, për të përmirësuar standardet e jetesës.
Terrorizmi e ekstremizmi fetar lindin nga varfëria dhe kur shpresa për të ardhmen shuhet nga keqqeverisja. Qeveria duhet të hartojë ligje për mbrojtjen e interesave të qytetarëve”, tha Meta.
