Një ditë pasi Presidenti Meta zyrtarizoi anulimin e zgjedhjeve lokale, kryeministri Rama mësohet se do të zhvillojë një vizitë në Bruksel.
Kreu i qeverisë pritet të zhvillojë disa takime me përfaqësues të lartë të Bashkimit Europian. Vlen të theksohet se vizita e Ramës vjen gjithashtu pas qëndrimit të BE, kundër anulimit të zgjedhjeve lokale nga presidenti Meta.
Në një deklaratë të shpërndarë mbrëmjen e së hënës, kryetari i radhës i OSBE-së, Ministri i Jashtëm dhe për Çështjet Evropiane i Sllovakisë, Miroslav Lajcak, shprehu shqetësim lidhur me zhvillimet më të fundit në Shqipëri. Sipas tij “mund të thellojnë më tej krizën politike dhe të çojnë në ndalimin e funksionimit të institucioneve shtetërore”.
Lajcak u bëri thirrje udhëheqësve politikë të tregojnë vetëpërmbajtje dhe të respektojnë legjislacionin në fuqi, si edhe rolet kushtetuese të institucioneve demokratike përkatëse.
