Deputeti i LSI-së që nuk dogji mandatin, Lefter Koka ka mbledhur ditën e sotme deputetët e rinj të opozitës, të ardhur nga radhët e LSI-së.
Mes tyre ishte dhe deputeti Ralf Gjoni, i cili këtë mbledhje e ka konsideruar një drekë mes miqsh.
Përmes një postimi në “Facebook”, Koka bashkangjitur fotos me 11 deputetët e tjerë shkruan se: “Shqipëria do të ecë vetëm përpara! I detyrohemi shqiptarëve, rrugën e pakthyeshme të integrimit euro-atlantik të atdheut!”
Situata politike ka arritur kulmin me aktin e presidentit Ilir Meta për të anuluar zgjedhjet lokale të 30 qershorit.
Kujtojmë se nga Burreli, kryeministri Rama lëshoi një deklaratë të fortë ku theksoi se me vendimin që Meta pritet ta shpallë si dekret të hënën nuk e meriton vendin e presidentit.
