Trajneri Antonio Conte ka hedhur poshtë zërat se mund të ketë një kalim të Lionel Messit tek klubi i Interit.
“Zërat për Leo Meson tek Interi janë absolutisht të rreme. Mos i besoni këto lajme të rreme. Ai nuk do t’i bashkohet Interit, madje as në Fantasy Football”, shprehet tekniku i zikaltërve.
Lidhur me këtë ka reaguar edhe Beppe Marotta, i cili sqaroi: “Është Fantasy Football. Sigurisht Messi nuk është një nga objektivat tona. Mendoj se ai është i interesuar ta vijojë karrierën te Barcelona”.
