Ylli argjentinas Lionel Messi ka lënë pas dëmtimin, dhe është rikthyer të stërvitet me pjesën tjetër të skuadrës. Ky është një super lajm, dhe ndërsa ka entuziasmuar tifozët. Si pasojë e një dëmtimi në gju, 34-vjeçari mungoi në dy sfidat e PSG-së në kampionat. Këtë problem shëndetësor e ka hedhur pas krahëve, dhe Messi pritet të jetë gati për në Ligën e Kampionëve.
Parisienët do të kenë një sfidë mjaft të vështirë mbrëmjen e nesërme, aty ku do të presin në ‘Park D’Princ’ rivalët e Mançester Sitit. Në stërvitje ishin të pranishëm dhe Nejmar e Mbape, teksa mungon Serxho Ramos që nuk ka debutuar ende me fanellën e parisienëve.
Një lajm i mirë ky për trajnerin Poçetino, i cili gjen yllin e skuadrës për kompeticionin më të rëndësishëm europian, aty ku Messi ka vendosur jo pak rekorde.
