Meshkujt rrezikohen më shumë nga pandemia? Ja çfarë thonë ekspertët

Kërkuesit së fundmi janë shprehur se pirja e duhanit, alkooli, shëndeti i dobët, janë disa nga faktorët të cilat dëshmojnë pse vdesin më shumë burra se gra nga koronavirusi.

“Koronaviruset si SARS dhe MERS kanë tendencë të prekin burrat në mënyrë disproporcionale”, sipas Dr. Luis Ostrosky-Zeichner, specialist i sëmundjes infektive në Shkollën Mjekësore McGvern në UTHealth në Texas.

Nga një këndvështrim evolucionar, disa hulumtime sugjerojnë që gratë kanë një reagim më të fortë imunitar ndaj infeksioneve virale sesa burrat.

Kërkuesit e shpjegojnë me faktin se femrat kalojnë një pjesë të jetës së tyre me një trup të huaj brenda, pra me pasardhësit e tyre, që u jep një avantazh mbijetese.

“Në shumicën e vendeve, për shembull, ajo që ne shohim është se burrat pinë duhan dhe alkool me ritme shumë më të mëdha sesa gratë”, tha Sarah Hawkes, profesore e shëndetit publik global në Universitetin College, në Londër dhe bashkëdrejtore e Global Health.

Për sa kohë që të dhënat në bazë gjinie nuk janë në dispozicion të publikut, ato nuk mund të analizohen nga ekspertë të jashtëm, si Global Health, për të dhënë arsyen pse burrat po vdesin më shumë nga Covid-19!