Lojtari i kombëtares shqiptare, Ylber Ramadani ka zhvilluar një ndeshje perfekte në ekipin e tij danez, ku me fitoren kanë arritur të marrin edhe kryesimin e kampionatit. Mesfushori Ramadani është aktivizuar për 90’ minuta në përballjen Vejle-Esbjerg, të fituar me rezultat 1-0 në transfertë.
Ramadani bëri një paraqitje shumë të mirë në takimin e djeshëm , madje ai është shpallur dhe lojtari më i mirë i ndeshjes. Mediat daneze e kanë vlerësuar me notën 6 Ramadanin, duke e cilësuar si më të mirin e takimit. Me fitoren e djeshme, Vejle ka marrë vendin e parë në kampionat. Kujtojmë, që Ramadani u transferua në Danimarkë nga ekipi i Partizanit, vitin e kaluar.
Ylber Ramadani është grumbulluar në Kombëtare nga Panucci dhe duket që ka një admirim të madh nga italiani, pasi që në ndeshje të parë e ka inkuadruar në formacionin startues. Nëse ish-lojtari i Partizani luan në nivele të tilla atëherë ai do ta ketë të sigurt vendin në kombëtaren kuqezi.
