Nuk janë të paktat rastet kur Berisha del blof me informacionet që jep përmes postimeve në rrjetet sociale. Një ditë më parë, ish-kryeministri Sali Berisha publikoi mesazhin e një qyetari, i cili shkruante se ishte një punonjës policie dhe po raportonte mbi ngjarjet kriminale të ndodhura së fundmi në qytetin e Shkodrës.
Në mesazhin e tij, përpos disa ngjarjeve, ai shkruan dhe për rastin e një profesori, Agim Fermaca, i cili sipas tij është goditur me qytën e pistoletës në mes të ditës, në qendër të qytetit.
Por këtë rast e ka përgënjeshtruar vetë profesori, të cilit i është përmendur emri, duke u shprehur se këto që shkruan qytetari, janë tërësisht të pavërteta dhe se nuk ka asnjë konflikt me asnjë njeri. Ai ka kërkuar që të mos përmendet emri i tij për asnjë arsye personale, duke e paralajmëruar në të njëjtën kohë.
