Ambasadori i ShBA-ve në Beograd, Kyle Scott, ka dhënë një intervistë për ‘Saton Television Panon’, ku ka folur rreth pengesave që hasen në negociatat mes Kosovës dhe Serbisë.
Sipas tij, edhe pse Serbia ka bërë përparime të konsiderueshme në stabilizimin ekonomik dhe në përgatitjet për anëtarësimin në BE, kushti kyç për anëtarësim mbetet arritja e një marrëveshje gjithëpërfshirëse, për normalizimin e marrëdhënieve me Kosovën.
Ambasadori Scott mbështeti deklaratën e presidentit serb, Aleksander Vuçiç, se Beogradi duhet ta zgjidhë këtë problem herët a vonë.
“Nëse kjo nuk është bërë tani, do të duhet të bëhet në gjeneratën e ardhshme, por atëherë ndoshta do të jetë më e vështirë për ta bërë atëherë. Kjo është arsyeja pse ne duhet ta shfrytëzojmë rastin tani dhe të përpiqemi të shkojmë përpara”, tha ai.
