Kancelarja gjermane Angela Merkel, pas takimit me Presidentin e Serbisë, Aleksandar Vuçiç , në një dalje për media ka bërë të ditur se bisedime të rëndësishme po mbahen në Bruksel.
Nga ana tjetër ajo ka theksuar se Serbia, po luan një rol kyç si në aspektin e Kosovës dhe Bosnjë dhe Hercegovinës.
Merkel theksoi se Ballkani Perëndimor është në krye të rendit të ditës së Presidencës Bullgare të BE-së dhe se tema e takimit të sotëm është bashkëpunimi midis Gjermanisë dhe Serbisë, por edhe marrëdhëniet në rajon.
Ajo theksoi se Presidenti i Komisionit Evropian, Jean-Claude Juncker, i cili ishte mysafir i sesionit të mbyllur të qeverisë federale, foli për rëndësinë e Ballkanit Perëndimor në Berlin.
“Federica Mogherini, Përfaqësuesja e Lartë e BE-së, po mban bisedime shumë të rëndësishme, ku Serbia luan një rol sa i përket Kosovës, dhe Bosnjës, dhe është shumë e rëndësishme që të kemi bashkëpunim të ngushtë”, tha Merkel.
Sipas saj, Serbia ka ndërmarrë reforma inkurajuese. Merkel përgëzoi kryeministrin serb për këtë.
“Ne jemi këtu për të ndihmuar në gjetjen e një zgjidhjeje, pavarësisht se sa e vështirë mund të duket”, tha Merkel.
Pasi falenderoi kancelarin gjerman për interesin e saj personal në Ballkan dhe Serbi, Vuçiç theksoi se, sa i përket marrëdhënieve dypalëshe, Serbia dhe Gjermania po ndërmarrin hapa të mëdhenj përpara.
“Çdo vit tregtia midis Gjermanisë dhe Serbisë rritet. Gjermania është vendi më i rëndësishëm i BE-së për ne,” tha Vuçiç.
Sipas tij, hapa të vështirë dhe të dhimbshëm janë përpara Serbisë në rrugën drejt anëtarësimit në BE. Në këtë rrugë, ai theksoi, “Serbia është e përkushtuar ndaj paqes dhe stabilitetit”.
“Çdo lloj konflikti do t’i kthejë të gjitha vendet tona dhe popujt mbrapa 100 vjetësh. Ne përpiqemi të shmangim tensione, konflikte dhe destabilizim”, tha ai.
Kancelarja gjermane njoftoi më herët do të takoheshin gjatë drekës dhe do të diskutonin veçanërisht për marrëdhëniet dypalëshe, si dhe çështjet rajonale, por edhe tema politike evropiane. Presidenti serb Aleksandar Vuçiç po qëndron në Berlin me ftesë të kancelares gjermane. TIRANA TODAY
