Kancelarja Gjermane Angela Merkel, pas takimit me Komisarin e Lartë të Refugjatëve në Kombet e Bashkuara Filoppo Grandi dhe Drejtorin e Përgjithshëm të Organizatës Ndërkombëtare të Emigrantëve William Lacy Swing, në konferencën e përbashkët për shtyp të mbajtur në Berlin, përveç krizës së refugjatëve vlerësoi dhe tensionin e fundit mes SHBA dhe Kores së Veriut.
Merkel u shpreh se është kundër çdo “zgjidhjeje ushtarake” përballë Koresë së Veriut dhe denoncoi përshkallëzimin e fundit verbal mes Phenianit dhe presidentit Donald Trump.
“Nuk konstatoj ndërhyrje ushtarake në këtë konflikt dhe nuk besoj që kjo krizë do të kapërcehej me një ndërhyrje të tillë. Kjo krizë mund të kapërcehet me përpjekjet që kemi parë deri më sot në Këshillin e Sigurisë. Gjermania do të marrë pjesë në mënyrë intensive rreth mundësive për zgjidhje jo ushtarake”, deklaroi Merkel.