Kancelarja Angela Merkel ka pranuar se Gjermania po kalon valën e tretë të pandemisë së koronavirusit.
Merkel ka paralajmëruar se çdo lehtësim masash shtrënguese duhet të bëhet gradualisht për të mos rrezikuar një kolaps të sistemit shëndetësor, shkruan Daily Mail.
“Tani kemi hyrë zyrtarisht në valën e tretë,” u tha Merkel deputetëve në partinë e saj konservatore.
Mbyllja e të gjitha bizneseve jo-thelbësore dhe kontrollet kufitare me Austrinë dhe Republikën Çeke, ku ka pasur shpërthime infektimesh nga variantet e koronavirusit, kanë ndihmuar Gjermaninë të ulë numrin e të infektuarve. Ndërkohë, probleme janë shfaqur edhe me sigurimin e vaksinës.
Tani nuk ka gjasa që Gjermania të vaksinojë të gjithë popullsinë e saj të rritur deri në fund të vitit, ndërsa Britania e Madhe është zotuar që të ofrojë një dozë për secilin deri më 31 qershor.
Që nga fillimi i pandemisë në pranverën e vitit të kaluar, Gjermania ka regjistuar mbi 2.3 milionë të infektuar me koronavirus dhe mbi 68,000 viktima.
