Tuttomercato.web
Bombë nga Anglia, në lidhje me të ardhmen e Harry Kane. Sipas The Sun, Manchester City ka Harry Kane në shënjestër dhe do t’i paguajë Tottenhamit një shifër afro 185 milion euro. Sipas tabloidit anglez, presidenti i Tottenhamit Daniel Levy i ka dhënë dritën jeshile operacionit, me “Qytetarët” që tani vetëm duhet të gjejnë një marrëveshje me sulmuesin.
Lajmi mbërriti dje në mbrëmje. Me Harry Kane që duket shumë afër transferimit tek Manchester City për rreth 185 milion euro. Siç raportohet nga edicioni i sotëm i Sun, transferimi i sulmuesit anglez për tek ‘banda’ e Guardiolës do të ishte transferimi i dytë më i shtrenjtë në historinë e futbollit pas Neymarit tek PSG, 220 milion euro, dhe lë pas Mbappé tek Parisi për 180 milion euro.
Si ta zëvendësojmë Harry Kane? Kjo është pyetja që i bëjnë vetes ata të Tottenhamit. Megjithatë, drejtori sportiv Paratici nuk do të qëndrojë duarkryq dhe tashmë po mendon të zëvendësojë kapitenin e tij. Sipas raporteve nga Daily Star, zgjedhja mund të jetë Antoine Griezmann nga Barcelona./TIRANA TODAY SPORT
