Në vazhdën e reagimeve për arrestimet nga SPAK, ambasadorja e SHBA Yuri Kim shprehet se është koha për të ndaluar, dhe për të kuptuar se askush nuk është mbi ligjin. Ambasadorja, në shenjë këmbane alarmi trumbeton me të madhe se askush nuk është mbi ligjin.
“Nëse jeni të përfshirë në korrupsion–pavarësisht sa të fuqishëm mendoni se jeni–tani është koha të konsideroni ndikimin që veprimet tuaja do të kenë në familjen dhe vendin tuaj. Tani është koha për të gjykuar, nëse ia vlen të shkosh në burg. Tani është koha për t’u ndalur. Askush nuk është mbi ligjin”.
Sot janë arrestuar 11 persona, zyrtarë e ish-zyrtarë të Bashkisë së Lushnjes e disa institucioneve të tjera si dhe biznesmenë, nën dyshimet për korrupsion me tenderat publikë. Mes të ndaluarve është edhe kryebashkiaku i Lushnjes, Fatos Tushe.
