Pas megaoperacionit të zhvilluar sot në orët e para të ditës, ku u arrestuan shumë persona për trafik droge, mes tyre dhe botuesi Henri Çili i akuzuar për korrupsion, një reagim është përcjellë nga ministri Sandër Lleshaj.
Kreu i Ministrisë së Brendshme e cilëson këtë një tjetër provë të rëndësishme të seriozitetit që dhanë policia dhe Prokuroria. Ai shprehet se Reforma në Drejtësi po jep rezultate konkrete, dhe se krimi dhe droga nuk mund të kenë më vend tek ne.
“Policia dhe Prokuroria dhanë sot një tjetër provë të rëndësishme të seriozitetit në luftën e përbashkët kundër krimit të organizuar.
Reforma në Drejtësi po sjell përditë rezultate. Droga dhe krimi nuk mund të kenë vend tek ne. Përgëzime për punën e policisë dhe Prokurorisë”, shkruan ai në një postim në Twitter.
