Policia gjermane ka arrestuar më shumë se 750 persona dhe kapi një ngarkesë të madhe armësh dhe droge, pasi u infiltruan në një shërbim komunikimi të përdorur prej tyre në këtë aktivitet kriminal.
Zyra Federale e Krimeve (BKA), tha se arrestimet u bënë nga policia pasi u siguruan informacione nga platforma EncroChat, i cili ofronte një shërbim të sigurt të mesazheve të menjëhershme të celularëve që përdoreshin nga kriminelët, shkruan agjencia e lajmeve, Reuters.
Hetuesit francezë dhe holandezë u infiltruan në platformën, e cila kishte 60,000 përdorues në të gjithë botën, vitin e kaluar. Ata bënë një numër arrestimesh dhe ndanë të dhënat përmes Europol, duke lejuar autoritetet diku tjetër të monitorojnë mesazhet dhe lëvizjet e kriminelëve.
Si rezultat i operacionit, autoritetet kapën rreth 3.2 ton kanabis dhe qindra kilogramë drogë sintetike, kokainë dhe tableta ekstaze. BKA tha se 310 armë zjarri dhe mbi 12,000 fishekë gjithashtu ishin sekuestruar.
