Kryetari i Partisë Republikane, Fatmir Mediu, i shoqëruar edhe nga profesori, Selami Xhepa biseduan sot me student dhe pedagogë për protestat studentore të 30 viteve më parë, që përmbysën regjimin komunist.
Ata vlerësuan arritjet e pluralizmit dhe demokracisë shqiptare në këto 30 vite, si dhe theksuan nevojën e një ndryshimi të domosdoshëm të qeverisjes aktuale.
Anëtarësimi i Shqipërisë ne NATO, liberlizimi i vizave janë nga fitoret me rëndësi të madhe historike për shqiptarët nën qeverisjen e kryesuar nga Berisha. Këto arritje kombëtare erdhën për shkak të luftës me krimin dhe korrupsionin, duke u orientuar në reforma te thella ekonomike dhe institucionale.
Qëllimi ynë duhet të jetë ndërtimi i shtetit të së drejtës, standardeve europiane kushtetuese, ku përcaktohet qartë roli i 3 pushteteve kontrolli dhe balancimi i tyre në mbështetje të lirive dhe të drejtave te qytetarëve shqiptarë. Ndërtimin e një shteti ku drejtësia duhet ti sherbejë interesit te qytetarëve dhe të garantojë barazinë perballë ligjit, tha Mediu.
Profesor, Selami Xhepa theksoi se Partia Demokratike, Partia Republikane si dhe e djathta, ishin promotor të zhvillimit të ekonomisë së tregut dhe vlerave të demokracisë liberale në një shtet tërësisht te rrënuar.
