E përditshmja spanjolle, ‘El Mundo Deportivo’, shkruan se futbollisti Lionel Messi ka blerë një dyshek anti-covid për t’u mbrojtur nga infektimi.
Sipas medias spanjolle, dysheku anti-koronavirus është prodhuar nga një kompani spanjolle dhe ka nanomolekula të veçanta, që janë në gjendje të eliminojnë virusin në vetëm 4 orë.
Edhe nëse një person i infektuar me koronavirus fle në këtë dyshek, ky i fundit eviton përhapjen e tij te persona të tjerë që flenë në të njëjtin dyshek.
Në varësi të modeleve, dysheku ka edhe avantazhe të tjera, siç është ajo e të pasurit një sistem masazhi me vibracion dhe ngrohtësia në pjesën e këmbëve që ndihmon për një gjumë më të qetë.
Mesa duket, dysheku në fjalë ka rezultuar kaq komod, saqë Messi e ka blerë këtë model për të gjitha dhomat e gjumit në banesën e tij.
