Koronavirusi u shfaq për herë të parë në dhjetor të vitit 2019 në qytetin kinez të Wuhanit, dhe shumë shtete në botë, kryesisht SHBA-ka, e akuzoi Kinën se e fshehu qëllimisht përhapjen e virusit. Në çdo deklaratë të zyrtarëve të saj, Kina e ka mohuar faktin se origjina e virusit është në Wuhan, dhe se nuk ka asgjë për të fshehur.
Por, media italiane Tgcom24, shkruan se tashmë Kina është e gatshme që të pranojë zyrtarisht versionin që Covid-19, ka dalë aksidentalisht nga laboratori Wuhan ku është studiuar.
Po sipas medias në vendin fqinj, SHBA nga ana tjetër është e gatshme të pranojë deklaratat kineze, sipas të cilave Pekini vetëm kohët e fundit mësoi për “arratisjen” e virusit, madje shkencëtarët dhe studiuesit që kanë mbajtur të fshehur të vërtetën do të ndiqen penalisht.
Kjo pasi akuzohen se kanë penguar Kinën që të njoftojë SHBA-të dhe botën për kërcënimin e rëndë që po i kanosej. Marrëveshja midis dy vendeve është paralajmëruar nga “Tgcom24”, madje, Amerika jo vetëm që do të pranojë deklaratën e Kinës, por edhe ka shprehur gatishmërinë për hetime të mëtejshme në laboratorin e Wuhanit.
Presidenti amerikan Joe Biden urdhëroi në shërbimet sekrete amerikane që të nisin punën duke mos i dhënë më shumë se 90 ditë kohë për ti prezantuar raportin.
Vetëm disa ditë më parë, drejtori i OBSH-së ( Organizata Botërore e Shëndetësisë), Theo Ghebreyesus kishte vënë në dyshim raportin e lëshuar në mars nga ekipi i tij që ‘gërrmoi’ për prova në laboratorin kinez.
