Milan po kërkon të nënshkruajë me një mbrojtës, i cili mund të jetë zëvendësuesi i Theo Hernandez dhe Rossonerët kanë kthyer vëmendjen e tyre te Napoli.
Në janar, Milan vendosi të mos hynte në merkato për një mbrojtës të krahut të majtë, dhe zgjodhën të adaptojnë Diogo Dalot në atë pozicion.
Por, tashmë Paolo Maldini po konsideron mundësitë e tij. Diego Laxalt, i cili do të kthehet nga huazimi i tij në Celtic Glasgow, nuk është një opsion i duhur për mbrojtjen dhe duhet të gjejë një klub të ri pas kthimit të tij.
Idealisht, mbrojtësi i ri duhet të arrijë në një transferim falas dhe Maldini tashmë ka një emër në tryezën e tij.
Sipas mediave në vendin fqinj, Elseid Hysaj i është ofruar Milan nga agjenti i tij. 27-vjeçari ka refuzuar të rinovojë kontratën e tij dhe po kërkon një klub të ri. Ndoshta Hysajn mund ta shikojmë me fanellën e kuqezinjve, duke filluar që nga sezoni tjetër.
