Autoritetet greke bëjnë të ditur se ka pasur dy përpjekje nga ana e grupit të drogës që u godit dy ditë më parë në vendin fqinj për të kaluar lëndën narkotike nga Shqipëria në Itali.
Sipas autoriteteve greke, shkruajnë se kanë çmontuar një grup i cili do të drithërojë kabinetin qeveritar të kryeministrit shqiptar, pasi dyshohet se trafikantët kanë lidhje me të afërm pranë qeverisë.
Të paktën 11 persona u arrestuan gjatë goditjes së këtij grupi. Ndër to gjashtë shqiptarë, dy italianë, një bullgar dhe dy shtetas grekë. Ata u kapën me 1.6 ton hashash dhe dy skafeve që ishin të pajisur me tre ose katër motorë të fortë. Ndjekje filloi menjëherë pas largimit të anijes nga Shqipëria dhe ka përfunduar në Kea, ku komandot e bregut, me të shtëna nga helikopter arriti të bllokoj skafin. Ekuipazhi, me dy shqiptarë dhe një italian u arrestuan në flagrancë, ndërsa në Attica u kapën dhe tetë anëtar të qarkur. Midis tyre, një biznesmen 63-vjecar. Gjatë aksionit dy policë u plagosën kur po ndiqnin anijen e kontrabandistëve.
Bëhet me dije se ngarkesa prej 1.6 ton marijuanë do të trafikohej në Turqi. Ndërkohë, burime të së përditshme greke “Kathimerini” thonë se ky grup kriminal pasi të transportonte marijuanën në Turqi, do të sillte në Shqipëri një ngakesë heroine. “Kathimerini” shkruan gjithashtu se kjo organizatë kriminal qëndron pas dy rasteve të trafikut të drogës në Prill dhe Shtator 2017 nga Shqipëria në Itali.
Në rastin e parë, u tentua të trafikoheshin drejt brigjeve italiane 1.5 ton hashash dhe u arrestuan shtatë persona, dy grekë dhe pesë shqiptarë. Kurse rasti i dytë ka të bëjë me trafikun e 2.3 ton hashash sërish drejt Italisë me një gomone në pronësi të një biznesmeni grek. Një shqiptar 24-vjeçar dhe një 63-vjeçar italian u arrestuan për këtë ngjarjen. Sipas burimeve të “Kathimerini”, marijuana i përket bandës së Habilajve.
“Sipas të dhënave paraprake, trafiku i 1.6 ton kanabis nga Shqipëria në Turqi ishte planifikuar të bëhej më herët, por u pezullua për shkak të zhvillimeve në Shqipëri. Anëtarët e rrjetit kriminal thuhet se u alarmuan nga arrestimet që bëri Guarda di Finanza në Tetor. Ndër të arrestuarit ishte dhe një i afërm i ish-ministrit të Brendshëm të Shqipërisë”, shkruan gazeta greke “Kathimerini”.TIRANA TODAY
