Pandemia e koronavirusit vijon të prekë mijëra njerëz në ditë në të gjithë botën, teksa numri total i të infektuarve ka shkuar në 8,6 milionë.
Ndërkohë që ka shkuar në mbi 4,5 milionë numri i personave që kanë arritur ta mposhtin këtë sëmundje.
Sipas faqes “Worldometer”, e cila përpilon informacionet më të fundit mbi pandeminë, deri më tani janë shëruar 4,552,243 persona nga ky virus.
Dhjetë vendet me numrin më të lartë të të shëruarve janë SHBA (924.930), Brazili (503.507), Rusia (313.963), India (205.182), Kili (186.441), Italia (180.544), Gjermania (174.100), Irani (156.991), Turqia (156.022) dhe Peruja (131.190). Këto janë edhe vendet që kanë shënuar numrin më të madh të infektuarve.
Në të gjithë botën, 456.791 persona kanë humbur jetën nga koronavirusi.
