Pak para se të përfshihej në një aksident, Gjoka duket se ka kthyer disa gota. Përpos faktit që ai ishte në gjendje të dehur në timon, një foto e shpërndarë në Facebook-un e tij demonstron këtë fakt.
Këngëtari Aleksandër Gjoka ka qenë në një tavolinë me ish-kryebashkiakun e Durrësit, Vangjush Dako, përpara arrestimit. Pak para se të ndodhte aksidenti, Gjoka ka postuar foto nga takimi me Dakon, të cilit i drejtohet miqësisht “Gjushi”.
“Me shokun dhe mikun tim te hershem Vangjush Dako (Gjushi)”, shkruan Aleksandër Gjoka bashkëngjitur fotos në fjalë.
Gjoka është vënë në pranga, pasi është përfshirë në një aksident në zonën e Farkës. Pas aksidentit, policia i ka bërë artistit testin e alkoolit, ku ka rezultuar se ka qenë në gjendje të dehur. Këngëtari aktualisht ndodhet në spitalin e Traumës, për të marrë ndihmën mjekësore, sepse ka pësuar disa dëmtime të lehta nga përplasja e makinës. Në ditët në vijim pritet që të dalë para gjykatës, për t’u njohur me masën e sigurisë.
