Policia ka arrestuar një 66-vjeçar nga Berati, i cili akuzohet për ngacmim seksual ndaj një të mituri.
Bëhet me dije se në pranga ka rënë shtetasi Romeo Oço, banues në Berat. Denoncimi është bërë nga 16-vjeçari, në prani të psikologëve dhe oficerëve të sektorit të krimeve. Ai është shprehur se ishte ngacmuar seksualisht prej disa muajsh nga komshiu i tij 66-vjeçar.
“Për muaj me radhë komshiu im Romeo më prekte me duar në zonat intime dhe më detyronte me forcë që dhe unë ta prekja. Kjo histori vazhdon prej muajsh por unë kam pasur frikë prej tij dhe nuk i kam treguar askujt. Sot kur më mori duke më kërcënuar pas banesës së tij ai tentoi më shumë dhe unë nga frika dhe për të shpëtuar prej tij mora një gur, i qëllova në shpatull dhe u largova me vrap”, tha i mituri.
Pas një vizite të specializuar mjekësore, 16-vjeçari rezultoi se kishte shenja të dukshme të ngacmimit seksual.
Ndërkohë, pas arrestimit, autori tha se mes tij dhe të miturit kishte një lidhje intime që vazhdonte prej muajsh, me pëlqimin e të dyve.
