I ftuar në emisionin, Moderatori Flavio Qarri, i ftuar në emisionin ‘Late Night Show’ ka rrëfyer si qëndron e vërteta në lidhje me lajmin që qarkullonte në media se gazetari Rolando Sharka ishte nxjerrë zvarrë nga emisioni ‘KafeIn’, që moderohej nga vetë Qarri.
Sharka deklaroi se pas një komenti që bëri për Fatma Methasanin, Qarri në mes të emisionit vendosi reklamë dhe e nxori jashtë.
Qarri u shpreh se: “Të vërtetën nuk mund ta dish sepse i bie që unë do them të vërtetën time. E vërteta ime është se ai u tregua shumë i çuditshëm. Ky më kërkoi ta ftoja në emision dhe isha dakort për ta ndihmuar se është gazetar i ri. Portal i ri, shumë dashamirës ndaj kujtdo. Dhe më thotë se ato tek televizioni juaj kanë një problem me mua sepse kam pasur publikuar diçka, kam pasur një gjë me Fatmën. Përtej të gjitha Fatma është mikesha ime shumë e mirë dhe kolege e mirë.
Kur Ronaldo vjen, ndërkohë që ishte publiciteti, se unë jam live emsionin, ishte 2 minuta kohë, e takon Fatmën se e takova edhe unë. Ajo i lë të nënkuptohet se nuk ka më asnjë mëri mes tyre dhe i them e lëmë gjithçka që ka ndodhur, nuk kemi pse të bëjmë diskutime të kësaj natyre. Dhe Ronaldo sa hyn në emision, që ishte ftuar për të diçka tjetër dhe për të promovuar emisionin e vet, fillon dhe hedh kunja për Fatmën, pa thënë përshëndetje akoma. Tha që nuk është e ndershme në nivel komercial, në nivel miqësor dhe njerëzor, për më tepër ishte një lajm që nuk kishte vlerë. I thashë s’kemi për çfarë të diskutojmë më, i futëm reklamë. Më vjen keq, falemiderit dhe mirupafshim.”
