Kryeministri Edi Rama udhëtoi drejt Thumanës, në zonën që u prek më së shumti nga tërmeti me magnitudë 6.4 të shkallës Rihter, mëngjesin e kësaj të marte.
Kreu i shtetit është i shoqëruar nga zv.kryeministri Erion Braçe dhe ministri i Brendshëm, Sandër Lleshaj, teksa po inspektojnë situatën e rënduar.
Në takimin me banorët e dëshpëruar, të cilët ndodhen në një gjendje të rënduar psikologjike për të ditur fatin e të afërmve të tyre që gjenden nën rrënoja, një grua i është drejtuar Ramës me një lutje rrëqethëse.
“Me nxirrni vëllanë me nusen, aman, m’i nxirrni shpejt”, shpërthen në lot gruaja. Ndërsa shtoi se nëse do të kishte mundësi, do të ndërhynte për të parë nëse janë mirë ose jo.
