Një lajm i mirë vjen nga Mbretëria e Bashkuar, teksa vendi ka shënuar numrin më të ulët të viktimave brenda një dite, që prej muajit mars.
Sipas Worldometer, në 24 orët e fundit janë shënuar 77 viktima, 127 më pak se një ditë më parë. Kështu shkon në 40,542 numri total i personave që kanë humbur jetën nga COVID-19 në Mbretërinë e Bashkuar.
Gjithashtu një rënie e lehtë vërehet edhe në numrin e rasteve të reja. Gjatë 24 orëve të fundit janë shënuar 1,326 raste të reja, duke e çuar në 286,194 numrin total të personave të infektuar.
Viktimat e fundit janë shënuar në Angli dhe në Uells, teksa Skocia dhe Irlanda nuk kanë shënuar prej kohësh tashmë asnjë viktimë.
Mbretëria e Bashkuar vijon të jetë vendi i dytë në botë me numrin më të lartë të viktimave, pas Shteteve të Bashkuara.
